Erhan, llanc 14 oed yn cael ei dynnu i mewn i eithafiaeth Islamaidd.
Codwyd Erhan fel Mwslim, ond nid oedd yn mynychu mosg. Symudodd o Dwrci i'r DU gyda'i deulu. Yn fuan ar ôl cyrraedd gwahanodd ei rieni. Heb ffrindiau, dechreuodd deimlo'n fwyfwy ynysig a dechreuodd dreulio cryn dipyn o amser ar y rhyngrwyd.
Talwch sylw i'r fideo gan y gofynnir cwestiynau i chi wedyn.
Yn ôl at ddewis astudiaeth achos
Gwyliwch y fideo i gael gwybod mwy am stori Erhan
Hyd fideo - 1 minute 50 eiliad
You can turn on closed captions () in the video player controls.
Gweld Trawsgrifiad
Roeddwn i, mam a fy mrawd Ozgur yn arfer byw yn Nhwrci ar fferm bricyll fy nhaid ond fe wnaeth fy nhad i ni symud i Loegr i fyw gydag ef. Roeddwn i wedi cyffroi, ond pan gyrhaeddon ni nid dyna oeddwn i'n ei ddisgwyl. Wn i ddim pam y gwnaeth dad i ni ddod, dw i ddim yn credu ei fod yn hoffi i ni fod yno. Roedd popeth a wnaethom yn anghywir. Pe na byddai esgidiau Ozgur wedi’u trefnu wrth y drws neu pe byddai fy nghrys yn anniben, byddai’n taro mam ac yn sgrechian arni ein bod wedi difetha ei fywyd.
Fe aeth pethau mor wael - dywedodd dad wrth fam ei fod yn mynd i'n lladd ni - felly roedd rhaid i ni symud i ffwrdd. Roeddwn i eisiau mynd yn ôl i Dwrci ond nawr nad yw mam a dad gyda'i gilydd, doedd ein teulu ddim am ein gweld ni. Yn yr ysgol, doedd gen i ddim ffrindiau. Roedd fy Saesneg yn wael ac roedd y plant eraill yn chwerthin am fy acen. Roeddent yn meddwl nad oeddwn yn deall yr hyn yr oeddent yn ei ddweud amdanaf, ond roeddwn i’n deall.
Byddwn i’n mynd mor ddig, byddwn i’n cnoi fy nwylo nes iddyn nhw waedu. Ceisiais ddweud wrth fam amdano, ond doedd hi ddim yn deall. Ar ôl ysgol, wnes i ddim llawer ar wahân i dreulio fy holl amser rhydd ar y rhyngrwyd. Fe wnes i ddod o hyd i ychydig o bethau ar safle rhannu fideos am ISIS, fe wnaethant fy atgoffa o bobl yn fy mhentref. Fe wnaethant siarad am sut rydyn ni i gyd yn frodyr a chwiorydd. Fe wnaethant siarad am sut mae pob Moslem yn gyfrifol am weithio tuag at Wladwriaeth Islamaidd, hyd yn oed os oes rhaid i chi roi eich bywyd eich hun.
Gwelais sut roedd yr anghredinwyr yn llofruddio fy mhobl. Roeddwn i'n credu ynddynt ac roeddwn i wir eisiau ymladd ochr yn ochr â nhw. Un tro fe wnaeth Miss Sterling i mi aros ar ôl y dosbarth. Gofynnodd hi beth roeddwn i wedi bod yn tynnu llun ohono ar fy nwylo ac yn fy llyfr nodiadau. Dywedais wrthi eu bod yn symbolau ISIS a phan oeddwn yn ddigon hen roeddwn yn mynd i ymladd â nhw. Roeddwn i am ddial.
Eich cyfeirnod hyfforddiant